شعر/ موسى إسماعيل الفقي
مهداة إلى والدي(رحمه الله)ومالي قلبك بالإيمان
وكل عقلك ف الغيطان
وتعبانْ .. وهمدانْ .. وعيانْ
وعمرك ما قلت انا تعبانْ
ياعم احمد
***
سنابلك اهه يا عم احمد بترقص لك
وبتقولك حاجه تفهمها وتهمس لك
ما يفهمهاش واحد غيرك
ما هو انتو اصحاب يا عم احمد
***
بترويها من جبينك مسك وعنبر
وتديها الحنان والحب ..
عشان تكبر
تلبسها الحزام الاخضر
تلوِّن شعرها الأخضر بلون أصفر
وتتحزم على نايك وتتمخطر
وتحكيلها جميع حكاويك
عن الثورة؛
عن الماضي اللي كان منه شباب ماضيك
عن الجمرة اللي كانت جوة الشعب بتنور
*** ( يتبع )
0 التعليقات:
إرسال تعليق