مصر ياام المعجـزات

مصر ياام المعجـزات

شعر / موسى إسماعيل الفقي

مصر يا ام المعجزاتْ .:. قومي شوفي ديكنا باضْ
شـوفي لما الديك يبيض .:.  يفهم انه شيء فريـــد
يرفع الصوت العريضْ .:. كل شيء في الدنيا عاد
نوره نار .:. فجره عار
قومي ياام المعجزات
***
رغم ان البيضة فاسده .:. والله يامه الدنيا شاهده
وانتي يا امه فيها زاهده .:. بيضة خالية م الموده
باض لنفسه .:. مش لناسه
شد عُرفه وقال ياواد
دانتَ فوق .:. دانت ذوق
قومي ياام المعجزات
***
شـوفي لما الجدي غنَّى .:.  حس إنه أغلى منـــا
يا ما مأمأ جنب منـــا .:. واحنا عيشناه ف جنــه
***
رغم ان الصوت ينفـَّــر .:. زي قطر وجاي معفــَّـــر
قلب إسود .. صوت مجفر .:. جدي برضه مش غضنفر
شـوفي يا امه لما غنَّى .:. هز ديله وقال ياواد
دانتَ فوق .:. دانت ذوق
قومي ياام المعجزات
***

سرس الليان في 15/12/1976